ဝိနည်းမဟာဝါပါဠိတော်လာ ဓါးခွဲဓါးဖြတ် သင်္ကန်း

ဝိနည်းမဟာဝါပါဠိတော်လာ ဓါးခွဲဓါးဖြတ် သင်္ကန်း

၃၄၅။ မြတ်စွာဘုရားသည် ရာဇဂြိုဟ်ပြည်၌ သီတင်းသုံးနေတော်မူပြီးလျှင် ဒက္ခိဏာဂိရိဇနပုပ်သို့ ဒေသစာရီ ကြွချီတော်မူ၏။ မြတ်စွာဘုရားသည် မဂဓ တိုင်းသားတို့၏ လယ်ကို မြင်တော်မူ၍ အရှင်အာနန္ဒာကို “အာနန္ဒာ သင်သည် လေးထောင့်ကန်သင်းဖွဲ့သော အစဉ်ဖွဲ့သော အကြားကြား၌ အကန့်ဖွဲ့သော ခရီးဆုံကဲ့သို့ဖွဲ့သော မဂဓတိုင်းသားတို့၏လယ်ကို မြင်၏လော” ဟုမိန့်တော်မူ၏။ “မြင်ပါသည် အရှင်ဘုရား” ဟု (လျောက်၏) ၊ အာနန္ဒာ သင်သည် ရဟန်းတို့အား ဤသို့ သဘောရှိသော သင်္ကန်းတို့ကို စီရင်ခြင်းငှာ စွမ်းနိုင်ပါမည်လောဟု (မေးတော်မူ၏)။ စွမ်းနိုင်ပါမည်လောဟု (မေးတော်မူ၏)။ စွမ်းနိုင်ပါသည် အရှင်ဘုရားဟု (လျှောက်၏)။
ထို့နောက် အရှင်အာနန္ဒာသည် များစွာသော ရဟန်းတို့၏ သင်္ကန်းတို့ကို စီရင်ပြီးလျှင် မြတ်စွာဘုရား ထံတော်သို့ ချဉ်းကပ်ပြီးလျှင် မြတ်စွာဘုရားကို “ဘုန်းတော်ကြီးတော်သော အရှင်ဘုရား တပည့်တော် စီမံပြီးသော သင်္ကန်းတို့ကို ကြည့်ရှုတော်မူပါ” ဟုလျှောက်၏။ ထိုအခါ မြတ်စွာဘုရားသည် ရဟန်းတို့ကို “ရဟန်းတို့ အာနန္ဒာသည် ပညာရှိပေစွ၊ ရဟန်းတို့ အာနန္ဒာသည် ကြီးသော ပညာရှိပေစွ၊ အာနန္ဒာသည် ငါဘုရား အကျဉ်းအားဖြင့် ဟောအပ်သောပါဠိတော်၏ အနက်ကို အကျယ်အားဖြင့် သိဘိ၏။ အိမ်ဝမ်းကြီးကိုလည်းပြုဘိ၏။ ခေါင်ရံပုံကိုလည်း ပြုဘိ၏။ လည်ထိရာ၌ခံသော အနားပတ်ကိုလည်း ပြုဘိ၏။ ဖြတ်လည်း ဖြတ်ဘိ၏။ ဓားဖြတ်ခြင်းဖြင့် ကြမ်းတမ်း၍ ရဟန်းတို့အား လျှောက်ပတ်၏။ ရန်သူတို့သည်လည်း အလိုမရှိအပ်။ ရဟန်းတို့ဖြတ်သောဒုကုဋ် ဖြတ်သောကိုယ်ဝတ် ဖြတ်သောသင်းပိုင်ကို ခွင့်ပြုဟုမိန်တော်မူ၏” ဟု မိန့်တော်မူ၏။
လယ်ကွက်ပုံသဏ္ဍာန် ဖြတ်ချုပ်ရသည့် အကြောင်းမှာ (၁) သူခိုးဓားပြများက မျက်စိကျ၍ အန္တရာယ်ပြုမှာစိုးသည်က တစ်ကြောင်း ၊ (၂) စနစ်တကျချုပ်ထားသည့် အတွက် ကြည်ညိုဖွယ်ဖြစ်သည်က တစ်ကြောင်း ၊ (၃) ရဟန်းတော်များသည် ကောင်းမှုမျိုးစေ့တို့၏ တည်ရာ လယ်ယာမြေနဲ့တူသည် ဆိုတဲ့ အဓိပ္ပာယ်ဆောင်သည်က တစ်ကြောင်း စသည့် အကြောင်း သုံးမျိုးကြောင့် သင်္ကန်းကိုလယ်ကွက်ပုံစံ လေးထောင့်အပိုင်းများ ပိုင်းဖြတ်ပြီး ချုပ်လုပ်စေခြင်း ဖြစ်ပါသည်။